E.g., 27.09.2022
E.g., 27.09.2022
E.g., 27.09.2022
E.g., 27.09.2022
E.g., 27.09.2022

Arbiy areketler zonalarında, VİET yerleşken ve qırşavlanğan cemaatlarnıñ aktual cedveli yañartıldı

Опубліковано 19 May 2022 року, о 13:58

Reintegratsiya nazirliginiñ emrinen tasdıqlanğan territorial cemaatlarnıñ cedveli turğan degil - olar er vaqıt yañartılır. Onıñ temelinde de devlet içinde alınğan kişilerge (DAK) ödemeler yapılır.

2022 s. mayıs ayınıñ 9-ı itibarınen arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ yañartılğan cedveline Mıkolayıv vilâyetiniñ 2, Dnipropetrovsk vilâyetiniñ 1 ve Zaporijjâ vilâyetiniñ 11 cemaatı qoşuldı.

Umumen mezkür cedvelge 7 vilâyet kirsetildi. Bu, Dnipropetrovsk (3), Herson (49), Harkiv (51), Mıkolayıv (20), Donetsk (tüm 66), Lugansk (tüm 37) ve Zaporijjâ (61) vilâyetleriniñ territorial cemaatlarıdır.

Bağlantığa basıp, raqamiy haritada cemaatlarnıñ statusları aqqında artual malümat ögrene bilirsiñiz.

Demek ki, mezkür cemaatlarda qayd etilgen devlet içinde alınğan kişilerge devletten kefaletli tarzda yardım alacaqlar.

Haberdar etkenimiz kibi, mezkür Cedvel, Mudafaa nazirliginiñ tasdılamasınen ve maqbul vilâyet, Kıyv şeer arbiy memuriyetleriniñ teklifleri esasında şekillendirilir.

Esaslanğan üç kriteriy bar:

• vaqtınca işğal etilgen topraqlar;
• qırşavlanğan (bloklanğan) topraqlar;
• faal arbiy areketler olğanı topraqlar.

Böylece, mezkür vilâyetlerniñ birinde qayd olsañız, cedvelde cemaatıñız olmasa, siziñ arbiy memuriyetiñizge hitap etmege tavsiye etemiz (şahsen ya da sıcaq hat vastasınen) ve malümatnı soraya bilirsiñiz.