burger

BMT insan aqları şurası, rfnıñ Ukrainadaki arbiy cinayetleriniñ taqiq etilmesini qayd ete

Опубліковано 12 May 2022 року, о 22:07

Cumaaqşamı künü BMT insan aqları şurası, Ukrainanıñ azat etilgen topraqlarında rus ordularınıñ insan aqları ve halqara gumanitar uquqnı bozulmasınıñ taqiq etilmesini başlatmaq içün rey berdi.

Twitterde halqara uquq qorçalayıcı organ bunı bildirdi.

Vekilleri, hususan Mariupol ve bir qaç diger şeerlerdeki vaqialar işiğında, “rus tecavuzı neticesinde Ukrainada insan aqlarınıñ bozulması” üzerindeki kontrolnı quvetleştirmek içün rey berdiler.

33 devlet razı oldı, 12 bitaraf ve 2 – Çin ve Erıtreya qarşı edi.

Qoşmaq kerekli ki, BMT insan aqları şurası, Ukrainağa dair mustaqil halqara taqiqatçı eyyetine Kıyıv, Çernihiv, Harkiv ve Sumı vilâyetleriniñ rayonlarındaki vaqialarnı taqiq etmek ricasınen hitap etti ve BMT insan aqları yuqarı komissarını Şuranıñ bu sene iyün ayınıñ kelecek sessiyası çerçivesinde Mariupoldaki insan aqları ve gumanitar ciddiy vaziyetine dair bir maruza yapmağa rica etti.

BMT insan aqları şurası, Ukrainağa qarşı arbiy areketlerni bitirmege ve rfnı halqara uquq qorçalayıcılarğa sürgün etilgen ukrainalılarğa irişim bermege çağırır.