E.g., 19.08.2022
E.g., 19.08.2022
E.g., 19.08.2022
E.g., 19.08.2022
E.g., 19.08.2022

Diqqatlı oluñız: Harkivde duşman, yavaş areket etken minalar ve patlayıcı maddelerni qullanır

Опубліковано 12 April 2022 року, о 12:56

Rfnıñ Ukrainağa silâlı tecavuzı sebebinden devletimiz dünyanıñ eñ büyük minalı topraqlardan biri alına keldi. Er kün işğalciler tarafından qalğan yañı patlayıcı şeyler peyda olur.

Böylece, Harkivniñ topraqlarında yavaş areket etken piyadege qarşı minalar tapıldı. İşğalciler, BARS "Urağan"den dronlar ve raketalar vastasınen olarnı şeerniñ tamam soqaqlarına atalar. Bu patlayıcı şeyler, ya avtomatik olaraq patlay, ya da tesbit etilgen vaqıt soñ arbiy alına kele.

Böyle bir cihaz, üzerinde er angi bir mehanikiy tesiri olmadan bile er an patlaya bilir.

Nasıl körüngenlerini hatırlañız!

Reintegratsiya nazirligi çağıra: bu tür minalar tapqanda

• yanına asla kelmeñiz,

• elleriñizge mühimmatnı asla almañız,

• onı öz başına yoq etmege asla tırışmañız,

• telükesiz yerge ketiñiz,

• tapılma aqqında qurtarıcı hızmetlerini haberdar etiñiz,

• digerlerini telüke aqqında tenbiyeleñiz.

Hatırlatamız ki, FVDHniñ malümatına köre, Ukrainanıñ 300 biñ kv. kilometri minasızlaştırılmalı. Orta olaraq mütehassıslar künde 2 biñden 6 biñge qadar patlayıcı şey tapalar, topraqlarımıznıñ yüzlerce gektarını teşkereler.

Böylece, tünevin 6,2 biñden ziyade patlayıcı şey zararsız bir alğa ketirildi ve 67,19 gektarlıq bir topraq teşkerildi.

Pirotehnik bölükleri eñ çoq Harkiv vilâyetine (2 327 kere), Mıkolayiv vilâyetinde (1073 kere), Donetsk vilâyetinde (286 kere), Kıyıv vilâyetinde (624 kere), Sumı vilâyetinde (224 kere) çalışa edi.

Umumen rusiye federatsiyasınıñ tolu masştablı tecavuzınıñ başlanğıcından Ukrainanıñ topraqlarında 54 523 patlayıcı şey ve 417,4 kilogramlı patlayıcı madde, hususan 1 926 ava bombası zararsız alğa ketirildi. 7 249 gekratlıq bir topraq teşkerildi.