E.g., 28.06.2022
E.g., 28.06.2022
E.g., 28.06.2022
E.g., 28.06.2022
E.g., 28.06.2022

Donetsk vilâyetiniñ daa üç cemiyetinde Minağa qarşı faalietler meseleleri koordinatsiya gruppaları teşkil etildi

Опубліковано 20 January 2022 року, о 09:54

Donetsk ve Lugansk vilâyetleriniñ cemiyetlerinde Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ teşebbüsinen Münağa qarşı faaliyetler meseleleri koordinatsiya gruppalarını teşkil etüv işleri devam etmektedir.

Bu cümleden, 2022 s. yanvar ayınıñ 17-sinde Donetsk vilâyetiniñ Oçeretın, Krıvıy Rih ve Çerkası territorial cemiyetlerinde mezkür Koordinatsiya gruppalarınıñ oturışları keçti.

Oturışta Reintegratsiya nazirliginiñ, em grajdan ve sağlıq qorçalama, em içtimaiy siyaset, em de tasil yerli bölükleriniñ, Ukraina milliy politsiyasınıñ ve Ukraina fevqulâde vaziyetler devlet hızmetiniñ vekilleri iştirak ettiler.

Oturış vaqtında 2022 s. içün tedbirler planı tasdıqlandı ve Koordinatsiya gruppalarınıñ işleriniñ esas saaları tesbit etildi:

  • minağa qarşı faaliyetlerniñ esas iştirakçileri arasında koordinatsiyanı ve işdeşlikni piketme;
  • territorial cemiyetleriniñ mina ve patlayıcı şeyler telükesinden qaçınma oqtuvğa dair ihtiyaclarını er vaqıtki talil etme;
  • zarar körgenlerge yardım etme;
  • topraqlarnı teşkerme/minasızlaştırma.

Bundan ğayrı, Reintegratsiya nazirliginiñ vekilleri, Donetsk vilâyetiniñ Oçeretın, Krıvıy Rih ve Çerkası territorial cemiyetleriniñ umumiy orta tasil yurtlarına eñ tarqatılğan patlayıcı şeyler 3-D resimlerinen «Minalar ve patlayıcı şeyler» stendlerini berdi. Daa cemiyetler, Reintegratsiya nazirliginiñ azırlağanı komiks şeklindeki «Mina telükesizligi işletilme qaidelerisiz olmay» oquv qullanma-kitaplarını aldılar. Evelleri bu kitaplarnı, tasil ceryanında qullanılması içün Tasilniñ mündericesini modernelştirme institutı taqdirlerdi.

2021 s. iyül ayında Donetsk vilâyetiniñ Vugledar territorial cemiyetinde ilk Minağa qarşı faaliyetler meseleleri koordinatsiya gruppasınıñ teşkil etilgenini hatırlatamız. Bundan soñ Donetsk vilâyetindeki Volnovaha territorial cemiyetinde daa bir gruppa çalışmağa başladı. Lugansk vilâyetinde ise Lısıçansk, Girske ve Popasna kibi üç territorial cemiyette gruppalar çalışmaqtadır.

Reintegratsiya nazirliginiñ yaqın kelecekte planlarından biri, Donetsk ve Lugansk vilâyetleriniñ bütün cemiyetlerinde Minağa qarşı faaliyetler meseleleri koordinatsiya gruppalarını teşkil etmektir.