burger

Halqara gumanitar aqqa mücibi Ukraina Milliy malümat bürosını (MMB) teşkil ete – İrina Vereşçuk

Опубліковано 17 March 2022 року, о 19:32

Ukraina Ükmetiniñ 2022 s. mart ayınıñ 17-sindeki oturışında Milliy malümat bürosınıñ (MMB) teşkil etilmesi aqqınsa qarar berildi ve muayyen emirnen tasdıqlandı. Ukraina Vitse baş naziri İrina Vereşçuk bunı anlattı.

Onıñ sözlerine köre, MMB halqara-gumanitar aqqa, bu cümleden Cenevre Şartnamesiniñ arbiy esirlernen tutma aqqında (III) 122 ve Cenevre Şartnamesiniñ cenk vaqtında grajdan ealini saqlama aqqunda (IV) 136 maddelerine mücibi çalışacaq.

«Ukrainanıñ bu cefnkte taraflardan biri olğanını esapqa alaraq halqara aq kontekstinde devletimiz tamam böylece areket etmege mecburdır. Çünki Ukraina merkezleştirilgen bir devlet ve halqara qaidelerge riayet ete. Milliy malümat bürosı, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ idaresi astında olacaq», – İrina Vereşçuk dep qayd etti.

Bu organnıñ faaliyetiniñ esas maqsadı, mümkün olğan er bir usul vastasınen ukrain arbiy esirleri, öldürilgenleri, habersiz coyulğanlar, işğalciler tarafından qanunsız olaraq reine alınğanlar, em de grajdan sakinler arasındakiler aqqında malümat toplap umumiyleştirmektir.

Söz sırası, İrina Vereşçuk qayd etti ki, Ukraina Silâlı Quvetleriniñ Baş ştabınıñ resmiy malümatına köre, duşmannıñ şahsiy terkibindeki telâfetniñ sayısı 14 000den ziyade askerdir. Qorçalayıcılarımız er kün bu senesi fevral ayınıñ 24-ünden şimdige qadar topraqlarımızğa qanunsız olaraq kelgenlerni reine alalar.

«Rfnıñ öldürilgenleri ve arbiy esirleriniñ cedvellerini de ukrain tarafı tertip etecek. Olarnıñ aileleri, rus akimiyetiniñ balalarını, aqaylarını ve qardaşlarını ne yerge yollağanını bilmeliler. Kelecekte Ukrainada “deñişme keysi” ya da deñişme fondu teşkil etilecek. Bitaraf aracı olğan QHHEniñ strukturaları yardımınen duşman tarafına malümat berecekmiz», – o dep qoştı.

Böyle faaliyet, Ukrainağa rusiyeniñ cinayetlerini daa bir kere isbat etmege ve istiqbalinde em esirlernen, em de öldürilgenlerniñ bedenlerinen deñişüv ceryanını faalleştirmege yarım etecek.

İlk malümatnı toplamaq ve zarar körgenlernen kommunikatsiya etmek maqsadınen endi bugün Milliy malümat bürosınıñ “sıcaq hattı” çalışmağa başladı – 1648 ve (044) 287-81-65 (çet memleketlerden telefon etmek içün).

Bundan ğğayrı mart ayınıñ 18-inden 00:00 saatinden başlap MMBnıñ resmiy saytı çalışmağa başlaycaq.

Şu anda MMBnıñ bütün qayd etilgen vazifelerini yapmağa izin berecek bütün kerekli protseduralar acele tarzda çezilmektedir.