E.g., 05.02.2023
E.g., 05.02.2023
E.g., 05.02.2023
E.g., 05.02.2023
E.g., 05.02.2023

İrına Vereşçuk: Avgust ayının başlanğıcından telükeli bölgelerden tahminen 35 biñ tınç yaşağan vatandaş tahliye etildi, er üçüncisi baladır

Опубліковано 31 August 2022 року, о 08:23

İnsanlar, mecburiy tahliyeniñ ilân etilgeni Donetsk vilâyetinden kutleviy olaraq köçeler. Em de Herson, Luhansk, Harkiv, Zaporijjâ vilâyetlerinden, - RADA telekanalınıñ canlı yayınında vitse baş nazir İrına Vereşçuk dep añlattı.

O qayd etti ki, avgust ayı boyunca deyerli 10 biñ tahliye etilgen kişi baladır.

«Balalarnı telükeden qurtarmaq - devletniñ ve er bir yetişkinniñ mecburiyetidir. Tamam bunıñ içün çağırmağa yorulmaycağım: balalarnı telükege oğratmañız, çıqıñız. Cevapkâr ana-baba, vasiy, terbiyeci oluñız! Çoq telükesiz bölgede siz balalarıñıznen beklenile!» - İrına Vereşçuk cebege yaqın bölgelerniñ ve VİETnıñ sakinlerine dep muracaat etti.

Hatırlatamız ki, Vitse baş nazir İrına Vereşçuk Reintegratsiya nazirliginiñ teşebbüsinen ve Nazirkler Kabinetiniñ qararınen teşkil etilgen Donetsk vilâyetinden mecburiy tahliye koordinatsiya ştabınıñ başıdır.