“Bugün 19 insannı evine qaytaramız, olarnıñ arasında 10 asker (em de 2 zabit) ve 9 grajdan kişi”, – dep Ukraina vitse baş naziri İrına Vereşçuk  habberdar etti. 

O qayd etti ki, bu kere azat etilgenler arasında yaralanğanlar bar – bu pek müim. Çünki şimdiden olar tolu tarzda tedaviyleye ve reabilitatsiya kursını ala bilirler.

“Bu fırsatnı qullanaraq, Prezident Zelenskıyğa, esirlerniñ deñişmesi ceryanına muntazam şahsiy qatılımı içün teşekkür bildirem!” – dep İrına Vereşçuk qayd etti.