burger

İrina Vereşçuk: «Harkivde yañı programma çerçivesinde devlet içinde alınğan kişiler içün mesken qurulmağa başlanacaq»

Опубліковано 21 January 2022 року, о 15:00

2022 s. yanvar ayınıñ 21-inde Harkiv vilâyetine iş ziyaretinen Ukraina Vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk ketti. Bu ziyaretniñ aktual mevzularından biri devlet içinde alınğan kişilerni yerleştirme meselelerini çezmektir.

Ealiniñ içtimaiy qorçalama departamentiniñ belgilerine köre, Harkiv vilâyetinde esapta 137 984 DAK bar. Olarnıñ çoqusı içün öz meskeninen temin etme meselesi pek sezilirlidir.

«Meseleniñ bar olğanını köresiñiz ve bu aqqında qonuşmaq kerek. Yanvar ayınıñ 27-sinde men Ukrainadaki AFCniñ Fevqulâde ve Salâhiyetli Anka Feldguzennen körüşecegüm ve körgenimni añlatmağa isteyim. Qaysı qararlarnı tasdıqlamaq – epimizge bağlıdır. Almaniya İqtisadiyat nazirligi endi yañı leyhanıñ ola bilecegini baqmaqtadır. Devlet içinde alınğan kişilerniñ tek 12%-i meskennen temin etildi. Bunıñ içün bu leyhanı destelkeseñiz pek minnetdar olurmız ve Harkivden başlaycaqmız. 2015 s. bu teşebbüs başlandı, siz özüñüzge eñ qıyın işni aldıñız, ve şimdi em devletten, em de alman akimiyetinden ayrı bir yardım almalısıñız, – dep İrina Vereşçuk bölgeniñ akimiyetiniñ vekillerine muracaat etti. – Bizde devlet bücetinden 70% ve yerli bücetten 30% kibi orta para berüv formatını esapqa alğan maqsat programması bar. Tamam bu programmağa köre ilk nevbetni başlatacaqmız, çünki onı yerine ketirmek içün para endi bar».

2015 s. yabvar ayında Harkiv vilâyetinde Almnaiy Ükümetiniñ yardımınen 488 yer içün modul ya da tranzit şeerçigi açıldı. O açqan soñ 640 DAK qabul etildi ve 24 bala doğdı. Şimdi şeerde 175 kişi yaşamaqta, 70-si ise çağına yetmegendir. Anda yaşağanlarnıñ 90dan ziyade faizi imtiyazlıdır (tar kelirliler, yalıñız analar, saqatlıqnen kişiler).

Vilâyette 400den ziyade DAK içün 14 kompakt yaşama yeri işlemektedir. 2020 s. devlet bücetiniñ subventsiyası esabına üç cemiyet (Oleksiyivka, Blıznükı, Pervomaysk) 24 insannıñ yaşağanı 7 meskün bina aldı.

«Böyle aktual leyhanı yerine ketirmek içün devletniñ para bermesi pek müimdir. Devlet içinde alınğan kişilerni meskennen temin etüv meselesi bütün Harkiv vilâyeti içün pek aktual», – dep HVDMniñ başı Oleg Sınegubov bildirdi.

Daa Harkiv vilâyetinde «İçtimaiy astyapını inkişaf etmege yardım etüv (UİYF VІ)» leyhasını yerine ketirüv çerçivesinde İqtisadiy inkişaf nazirliginiñ yardımınen ve AFCniñ (BMZ) ve Yañıdan tiklemek içün kredit müessisesiniñ (KfW) işdeşliginde Çuğuyiv ve İzüm şeerlerinde DAK içün mesken şaraitini yaratmaq maqsadınen 2 mikroleyha tasdıqlandı. Şimdi anda tamir-qurucılıq işleri devam etilir.