burger

İrina Vereşçuk: Ukrainada Habersiz ğayip olğanlarnıñ meselesi vekili olacaq – MMBnen yaqın çalışacaq

Опубліковано 24 March 2022 року, о 15:16

Yerli KHVdan birine intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, habersiz ğayip olğanlarnıñ tapılmasınıñ, Ukraina içün ötkür, amma yañı olmağanını añlattı. Cenkniñ sekiz senedir devam etkenini hatırlattı. Böylece, ruslarnıñ Donbasnı işğaliniñ başlanğıcından berli ğayip olğanlarnı tapma çalışmaları devam ete.

Faqat bir vaqıt o faal olmadı: qanun çıqarıcı aktlarınıñ kelişilmegenligi sebebinden çalışmağan eyyet bu yönelişten cevapkâr edi.

«Vaqtınca işğal etilgen topraqlarınıñ reintegratsiya mesleleri nazirligine ve maña, Vitse baş nazirge olaraq vaziyetni tüzetmemiz talimatı berildi,- dep İrina Vereşçuk añlattı. – Fevral ayınıñ 24-ünde Nazirler Kabinetine muayyen qanun leyhası keldi. Tamam o, Ğayip olğanlanlarnıñ vekili vazifesiniñ kirsetilmesini normaladı. Yazıq ki, o zaman bu işini bitirmek içün vaqtımız olmadı, çünki cenk başladı. Şimdi evelki azırlıqlarnıñ kerçekleştirilmesine qaytamız».

Vitse baş nazir daa tafsilâtlı añlattı ki, Habersiz ğayip olğanlarnıñ meseleleri vekiliniñ işi, er eki taraftaki ğayıp olğan kişiler, arbiy esirler, hastalar ve ölüler aqqında sicillerni topmamaqtan ve malümatnı merkezleştirmekten cevapkâr olğan yañı teşkil etilgen Milliy malümat bürosınen yaqın işdeşligi içinde devam etecektir.

İrina Vereşçuknıñ sözlerine köre, Qırmızı Haç, BMT ve habersiz ğayip olğanlarnıñ tapılmasında iştirak etken başqa teşkilâtlarnı çekken böyle malümat toplamı, olarnı çalıştıra bilmek içün kerekli.

«Bu vertikalnı tez bir şekilde qurumsallaştırmaq kerekmiz, çünki birisiniñ bunen çalışmaq kerekligini añlaymız», – dep İrina Vereşçuk hulâsa çıqardı.