E.g., 28.06.2022
E.g., 28.06.2022
E.g., 28.06.2022
E.g., 28.06.2022
E.g., 28.06.2022

Lugansk vilâyetiniñ vaqtınca işğal etilgen toprağında içilir suv şiddetli qıtlığı bar

Опубліковано 07 February 2022 року, о 10:00

Mevcu olğan malümatqa köre, Lugansk vilâyetiniñ vaqtınca işğal etilgen toprağında RFnıñ işğal memuriyeti ealige suv teminatını şiddetli tarzda sıñırladı.

Daa anomal sıcaq vaqtında suvnıñ keyfiyetiniñ felâketli yaramaylaşmasına tesir ete bilir, çünki teñsiz suv teminatı turğunlıqnıñ, bakteriya peyda oluvnıñ ve eali arasında yuqunçlı hastalılarnı tarqatuvnıñ sebebi ola bilir. Bu, Devlet sanitar norma ve qaidelerini bozmadır.

İşğal «akimiyetiniñ» internet resurslarında yayınlağanı malümatqa köre, Hrustalnıy (Krasnıy Luç) şeeriniñ toprağında içilir suv teminatı aftada 1-2 kere ya da şeerniñ rayonına köre «bir künden soñ» olmaqtadır. Golubivske, Donetske köyleriniñ ve Kirovsk şeeriniñ topraqlarında suv teminatı aftada bir kere, Kadiyevka (Stahanov) şeerinde ise 2-3 künde bir kere olmaqta.

Eñ bulaşıq içilir suv olğan Alçevsk şeeriniñ toprağında haber etilgenge köre suv teminatı bir künden olmalı, faqat mevcut olğan malümatqa köre o, bir kün devamında olmay.

RFnıñ işğal rejimleri, halqara ve halqara gumanitar aqnıñ normalarını şiddetli tarzda bozmağa, adiy insan ihtiyaclarını ihmal etmege ve aslında genotsid yapmağa devam etmektedir.

Reintegratsiya nazirligi, 2019 s. dekabr ayından başlap RFnıñ işğal memuriyetleriniñ suvnı qullanuvnı sıñırlağanı, ve olarnıñ areketleriniñ Ukrainanıñ nezareti astında olmağan toprağında içilir suvğa şiddetli tarzda tesir etkeni aqqında çoq kere malümat bere edi. Bu cümleden, işğal memuriyetleriniñ, temizlenmegen suv anbarlarına suvnıñ aqıp ketüvini sürekli kontrolsız olaraq tökkeninden Dontesk vilâyetinde yerleşken Volıntsivske içilir suv anbarında suvda neft mahsulatı sıñırlı qabil qoyulığına dair normalar 6 qat, nitratlar - 5,7 qat, sulfatlar - 3,5 qat, çinke ise deyerli 4 qat aştı.

Bundan ğayrı, Lugansk vilâyetindeki İsakiv suv anbarı alâ da bulaşıqtır. 2020 s. mart ayınıñ soñunda onıñ suvunıñ keyfiyet sınıfına "orta tarzda bulaşıqtan" "bulaşıqqa" tüşürildi.

Halqara mütehassıslar, Rusiyeniñ nezareti astındaki işğal rejimleriniñ böyle areketleriniñ, biñlerce vatandaşı içün doğrudan ayat ve sağlıq telükesi olğanını qayd etmekte.

Bundan ğayrı, vaqtınca işğal etilgen topraqlarda radiatsiya bulaştıruv ve HAEAniñ nezaret missiyasını keçirmege izin bermeme meseleleri bar. Hususan 1979 s. "Yunkom" ocağında şura akimiyetiniñ özek patlavını keçirgeni Donetsk vilâyetiniñ toprağındadır. Patlavdan soñ radioaktiv kapsula quru alda qaldırıldı ve radiatsiyanınıñ qaranıñ yüzüne ya da yerastı suvlarına batmaması içün ocaqtan suv tulumbanen boşatıldı. Soñki senelerde işğal memuriyetleri suvnı pompanen boşatmağa toqtattı ve içilir suvğa radioaktiv suv endi kelmektedir. Vitse nazir Oleksiy Reznikov muntazam tarzda bu mesele aqqında laf etmektedir. Bu cümleden, laf, 2021 s. mayıs ayınıñ 26-sında ATİTnıñ baş kâtibi Helğa Şmidnen körüşüvde bu aqqında edi. Daa fevral ayınıñ soñunda BMTnıñ aza devletleri ögünde çıqış yapqanda Oleksiy Reznikov, tek Ukrainada degil, em de bütün Avropada ola bilecek VİETda yerastı suvlarını radiatsiya bulaştıruvına ve pek balaban ekologiya filâketine ayrıca diqqat ayırdı.

2020 s. oktâbr ayınıñ başında HAEAniñ baş direktorı Rafael Grossinen körüşüv vaqtında Oleksiy Reznikov, ekspertiza yapuvğa ve mevcut olğan ekologiya telükelerini teşkermesi içün Donbasqa mütehassıs gruppasınıñ nezaret missiyasını yollamağa dair Ukrainanıñ ricasını bildirdi.