Ukrainanıñ vaqtınca işğal etilgen topraqlarınıñ reintegratsiya meseleleri nazirligi, “Ranok” neşriyatınen beraber patlayıcı şeylerni tapqanda özüni tutma qaidelerine ögretken komik şeklindeki “Mina telükesizligi işletilme qaidelerisiz olmay” bala kitabını yayınladı.
Şu anda vatandaşlar içün mina telükesizligi meselesi eñ aktuallerden biridir, çünki devletimizniñ büyük qısmı minalarnen toludır. Balalar, ayrı bir auditoriyadır. Olarğa özüni tutma temel qaidleriniñ ne olğanını ve mina ve başqa patlayıcı şeylerni tapqanda nasıl areket etmek kerekligini alına bilgen sade şekilde añlatmaq kerek.
“Mina telükesizligi işletilme qaidelerisiz olmay” kitabınıñ süjeti, zor mevzunı komiks şeklinde eñ sade şekilde añlatmağa yardımcı olur. Baş qaramanlarnıñ mina ya da başqa patlayıcı şeylernen bağlı farqlı vaziyetlerdeki doğru areketleri, yahşı bir nasiat misali olur.
Bundan ğayrı, QR-bağlantı vastasınen öz bilgilerini teşkermek ya da faydalı bir video seyir etmek mümkün. Kitapnıñ interatkiv olması malümatnı oyun şeklinde daa qolay ögrenmege yardımcı olur.
Yayın, yaş ukrainalılarğa ve ana-babaları tarafından oqunması tavsiye etilir. Mında yayınlanğan malümat levhalar, minalar ya patlayıcı şeyler ve şübeli eşyalarnı tapqanıñızda özüñizni nasıl tutacağıñıznı daa yahşı hatırlamañız içün yardımcı olur.
Bağlantığa basıp endire bilirsiñiz:
Telükeli vaziyetlerde özüni tutma qaidelerine riayet etmek ayat qurtara bilir!