E.g., 30.06.2022
E.g., 30.06.2022
E.g., 30.06.2022
E.g., 30.06.2022
E.g., 30.06.2022

Oleksiy Reznikov ve Glen Govard rus tecavuzına qarşı çıquv kontekstinde amerika-ukrain munasebetlerini muzakere ettiler

Опубліковано 31 January 2022 року, о 08:15

Ukraina vitse-baş naziri - Ukrainanıñ vaqtınca işğal etilgen topraqlarınıñ reintegratsiya meseleleri naziri Oleksiy Reznikovnıñ reberliginen ükümet delegatsiyası iş ziyaretinen Amerika Qoşma Ştatlarına ketti.

Jamestown Foundationnıñ reberi Glen Govardnen körüşüv vaqtında rusiye tecavuzı ve vaziyetniñ inkişaf meyli, rus telükesi kontekstinde «Şimaliy aqın - 2» gaz yattını quruv, Normandiya formatında aytışuv ceryanı ve Üç taraflı kontakt gruppasındaki mesleatlar, bu meselerdeki AQŞnıñ rolü ve amerika-ukrain işdeşliginiñ yönelişleri kibi bir qaç müim mesele muzakere etildi.

Qırım MC ve Aqyar şeeriniñ işğal oluv meselesi ve neticeleri olğan telükelerge ayrıca diqqat ayırıldı.

«De-facto, Rusiye endi Azaq deñizini işğal etti ve Qara deñizde ise total tarzda balansnı deñişti, tamamınen onı askeriyleştirdi. Qırımnı anda özek silâsını yerleştirüvge azırlıq yapmağa yönelgen RFnıñ areketleri içün raatsızmız. Qırımğa tayanaraq Rusiye Yaqın Şarqta ve Afrikada arbiy operatsiyalarnı keçirmekte, Balqanlarğa tesir etmekte. Şimdi aynı şey Şimaliy aqın-2nen olmaqta. Baltıqnıñ üç devleti şiddetli bir tesir astındadır. Aynı şekilde telükege Lehistan da oğradı. Ukraina ve Baltıq devletleri içün bu, deyerli kefaletli kerginleşmedir, başqa Avropa devletleri içün ise kelecekte total tabilik ve kefaletli şantajdır. Eminim ki, bu leyhanı yerine ketirgen şirketlerge qarşı sanktsiyalarnı şiddetlemek ve onıñ çalışmasına izin bermemek kerek. Ukraina içün telükesizlik paketini kenişletüv pek müimdir. Birinciden, AQMnıñ quvetlerini qullanuv yardımınen, atta amerika bölüklerini yerleştirerek. Bizim qanunlarımız buna izin bermektedir», - dep Reznikov bildirdi.

Daa taraflar, Ukraina tarafından Donetsk ve Lugansk vilâyetleriniñ iqtisadiy inkişaf strategiyasını yerine ketirilüv konekstinde AQŞnıñ rolüni muzakere ettiler.