E.g., 22.09.2021
E.g., 22.09.2021
E.g., 22.09.2021
E.g., 22.09.2021
E.g., 22.09.2021

Qırımtatarlar ve imtiyazları olğan insanlar içün Herson vilâyetindeki evlerni endi bu yıl quracaqlar

Опубліковано 17 May 2021 року, о 09:20

Bu aqta Ukraina baş naziriniñ muavini-Ukrainanıñ vaqtınca işğal etilgen topraqlarınıñ reintegratsiya meseleleri boyunca nazir Оleksiy Reznikov Herson vilâyetine iş ziyareti vaqtında bildirdi.

Ziyaret çerçivesinde qırımtatarlar, memleket içinde köçürilgen şahıslar ve başqa imtiyazlı kategoriyalarğa kirgen vatandaşlar içün evler qurulmasınıñ leyhası boyunca iş muşaveresi keçirildi. Muşaverede Ukrainanıñ vaqtınca işğal etilgen topraqlarınıñ reintegratsiya meseleleri boyunca nazirniñ muavini Vâçeslav Şapovalov, Herson vilâyeti devlet memuriyetiniñ başlığı Sergiy Kozır, vilâyet şurasınıñ başlığı Öleksandr Samoylenko, Herson şeeriniñ başı İgor Kölihayev de iştirak ettiler.

Leyha çerçivesinde Nikolayevdeki kibi 200 daire qurulması közde tutula.

Kelecek qurucılıq içün ayırılğan topraq damartısı Tavriçeskiy mikrorayonında yerleşe.

Evlerden ğayrı, yanındaki astyapı (infrastruktura)nıñ kurulması da planlaştırıldı.

Qurucılıq Nikolayevdeki kibi bu yıl başlanmalı.

Ondan ğayrı, baş nazirniñ muavinine "Herson" halqara ava limanı inkişafınıñ perspektivalarını taqdim ettiler.

Hatırlatmaq kerek ki, 2021 senesi martnıñ 16-da Ukraina baş naziriniñ muavini-Ukrainanıñ vaqtınca işğal etilgen topraqlarınıñ reintegratsiya meseleleri boyunca nazir Оleksiy Reznikov ve Ukrainada Türkiye Cumhuriyetiniñ Fevqulâde ve Salâhiyetli Еlçisi Yağmur Ahmet Güldere, Qırım Muhtar Cumhuriyeti ve Aqyar şeeriniñ Rusiye tarafından işğal olğanı sebebinden, öz evlerini taşlap ketmege mecbur qalğan qırımtatarlar içün evler qurmasınıñ leyhasını muzakere ettiler.

Ayrıca, söz memleket içinde köçürilgen şahıslar kibi qayd etilgen qırımtatarlar içün 500 daireniñ qurulması aqqında kete: 200 daire Herson vilâyetinde, 200 daire Nikolayev vilâyetinde ve 100 daire Kiyev vilâyetinde qurulmalı.

Bir aydan soñ, aprelniñ 10-da Ukraina baş naziriniñ muavini-Ukrainanıñ vaqtınca işğal etilgen topraqlarınıñ reintegratsiya meseleleri boyunca nazir Öleksiy Reznikov ve Türkiyede etraftaki müit ve şeer qurulması boyunca nazir Murat Kurum, Ukraina ve Türkiye Cumhuriyetiniñ Nazirler Şuraları arasında añlaşma tizdiler.