burger

Reintegratsiya nazirligi sürgün etilgen ukrainalılarnı qaytaruv yollarını azırlay

Опубліковано 5 July 2022 року, о 9:46

İyül ayınıñ 4-ünde Estoniyağa Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ vekilleri, bu cümleden Nazirniñ muavini Oleksiy Boroday ve Milliy malümat bürosınıñ müdiri Oleksandr Smirnov keldiler.

Reintegratsiya nazirligi, rusiyege qanunsız olaraq sürgün etilgen ya da vaqtınca işğal etilgen topraqlardan çıqmaq içün rusiye sıñırlarını keçken vatandaşlarnıñ Ukrainağa qaytarılmasını tüşüne. Bu tür çoq ukrainalı rddan Baltiya ülkeleri, ayrıca Estoniya vastasınen evine qayta. Reintegratsiya nazirliginiñ vazifesi, sürgün etilgen vatandaşlarnı evlerine qaytramaq içün maqbul şartlarnı (vesiqalar, naqliyat, logistika) yaratmaqtır.

Reintegratsiya nazirliginiñ vekilleri Estoniya ve rysiye sıñırlarındaki Narva şeerinde yerleşken sıñır keçit noqtasını ziyaret ettiler, rus-estoniya sıñırını keçme şartlarınen şahsen tanıdılar. Memurlarnıñ daa bir vazifesi, Narvadan, rfdan evlerine qaytacaq ukrainalılarnıñ ketecegi Ukrainanıñ ğarbiy sıñırına bir naqliyat marşrutını yaratmaqtır.

Hatırlatamız ki, keçenlerde Ukraina Vitse baş naziri İrına Vereşçuk, VİETnıñ sakinlerini ve rfna sürgün etilgenler ukrainalılarnı evlerine qaytmaları içün mümkün olğan er bir imkân qullanmağa çağırdı. Bu cümleden rusiye üçünci devletlerniñ topraqlarından, ayrıca Estoniya ve Latviyadan [qaytmağa çağırdı].