E.g., 20.06.2022
E.g., 20.06.2022
E.g., 20.06.2022
E.g., 20.06.2022
E.g., 20.06.2022

Reintegratsiya nazirliginde «Serbest Entsiklopediya: qırımtatar Vikipediyasını yazayıq» online marafonınıñ iştirakçileri mukâfatlandı

Опубліковано 21 January 2022 року, о 09:49

2021 s. sentâbr ayınıñ 1-inde Ukrainanıñ vaqtınca işğal etilgen topraqlarınıñ reintegratsiya meseleleri nazirliginde Reintegartsiya nazirliginiñ «Vikimediya Ukraina» CT ve qırımtatar cemiyet yaşlar teşkilâtlarınen beraber keçirgeni Vikipediyanıñ qırımtatar bölügini tolduruvğa dair online marafonnıñ eñ faal iştirakçileri mukâfatlandı.

Böylece, VİETnıñ reintegartsiya meseleleri naziriniñ muavini Snaver Seythalilev, Qırımtatar tilini inkişaf etmege ve populârlaştırmağa faal yardım etmeleri içün eñ faal iştirakçilerge Ukraina Vitse-baş naziri Oleksiy Reznikovdan Teşekkürnamelerni berdi.

Bundan ğayrı, marafonnıñ iştirakçileri, ortaqlarından, bu cümleden «Qırımnıñ Milliy Eyiallıq Fondu» hayriye fondunden ediye sertifikatlarını ve «Vikimediya Ukraina» CTndan hatıralıqlarnı aldılar.

«Marafon, em etnik qırımtatarlar, em de etnik ukrainler arasında Qırımtatar tiliniñ inkişaf ve populârlaştırılma unsurı olaraq büyük oñğanlıq kösterdi. Kelecekte o, Qırımtatar tiliniñ inkişaf kontseptsiyasını kerçekleştirme aletlerinden müm biri ola bilir. Bunıñ içün biz bu saanı inkişaf etmege planlaştıramız. Bu seneniñ soñuna Vikipediyada daa bir marafonnı keçirmege ve bütün til bölüklerinde olmağa kerekli olğan temel biñ maqaleni toldurmağa bitirmege planlaştıramız. Kelecek sene 10 biñden ibaret olğan kenişletilgen cedvel üzerinde çalışmağa başlaycaqmız», - dep Seythalilev qayd etti.

2021 s. iyün ayınıñ 15-inden iyül ayınıñ 15-ine qadar Qırımtatar tiliniñ inkişaf kontseptsiyası çerçivesinde Vikipediyada «Serbest Entsiklopediya: qırımtatar Vikipediyasını yazayıq» ilk online marafonınıñ keçkenini hatırlatamız. 

Marafon yardımınen Qırımtatar tilinde eñ müim mevzular aqqında 302 maqale yazıldı. Qırımtatarca Vikipediyası iyün ayında 100 biñden ziyade kere ve iyül ayınıñ ilk üç aftası içinde 70 biñden ziyade kere baqıldı. Bir aylıq marafon yardımınen "kerekli olğan biñniñ" keyfiyetine köre til bölükler cedvelinde qırımtatar Vikipediyasınıñ reytingi 2,22den 3,36ğa arttı. Bu, bölükniñ mecüt olğanından 13 sene içinde eñ yüksek köstergiçtir.

Böylece, qırımtatar Vikipediyasınıñ reytingi umunen 308 tilden 220 yerden 170 yerge çıqtı.