E.g., 05.02.2023
E.g., 05.02.2023
E.g., 05.02.2023
E.g., 05.02.2023
E.g., 05.02.2023

Reintegratsiya nazirliginiñ veb saytındaki haberlerni Qırımtatar tilinde oquñız!

Опубліковано 08 December 2021 року, о 09:48

Ukrainanıñ vaqtınca işğal etilgen topraqlarınıñ reintegratsiya meseleleri naziriginiñ veb saytı endi Qırımtatar tiline tercime etilmektedir.

Tamır halqınıñ inkişaf ve yardım etilmesi çerçivesinde Reintegratsiya nazirligi, öz resmiy saytını Qırımtatar tiline tercime etmege başladı. Daa bu qarar, Qırımtatar tiliniñ inkişaf etilüvi kontseptsiyasınıñ ve «Tamır halqları aqqında» qanun leyhasınıñ yerine ketirilmesi içün pek müim bir adım oldı.

 «Aprel ayınıñ 7-sinde Ükümet tarafından qabul etilgen Qırımtatar tiliniñ inkişaf etilüvi kontseptsiyasınıñ yerine ketirilmesi içün areket etmege başladıq, Yuqarı Şurağa endi «Tamır halqları aqqında» qanun leyhasını yolladıq. Bugün ise Google ve Duolingo şirketlerine muraccat etip, Reintegratsiya nazirliginiñ veb saytınıñ Qırımtatar tilindeki versiyasını işlettik. Maqsadımız, içtimaiy ayatnıñ er bir saasında Ukrainanıñ tamır halqlarınıñ tilleriniñ Ukrain tilinen aynı seviyede qullanılacağını ve er taraflama inkişafını temin etmektir», - nazir muavini Snaver Seithalilev dep ayttı.

Şimdi nazirlikniñ veb saytında endi em mevcut olğan malümat, em de yañı haberler Qırımtatar tiline tercime etilmektedir.

Bundan evel, Reintegratsiya nazirligi Google LLC korporatsiyasına, Qırımtatar tiliniñ Google Translate servisine kirsetilmesi içün, ve dünyanıñ yabancı til ögrenme eñ populâr platforması olğan Duolingo şirketine, Qırımtatar tili kursunıñ yaratılması içün muracaat etti.