E.g., 02.12.2022
E.g., 02.12.2022
E.g., 02.12.2022
E.g., 02.12.2022
E.g., 02.12.2022

Rusiyeniñ nezareti astında olğan işğal memuriyeti «Stanıtsâ Luganska» KÇYKnden areketlerni bloklar

Опубліковано 06 January 2022 року, о 11:48

2021 s. oktâbr ayınıñ 10-undan başlap Rusiye Federatsiyanıñ nezareti astında olğan işğal memuriyeti Ukrainanıñ Lugansk vilayetiniñ bazı bölgelerinde Stanıtsâ Luganskadaki KÇYKniñ işini bloklamaqtadır.

Bu, tek propaganda olaraq yapıldı ve ciddiy tarzda gumanitar vaziyetni yaramaylaştırmaqta, insanlarnıñ ihtiyacları añlı tarzda körmemezlikke urulmaqtadır.

Mevcut olğan malümatqa köre, işğal rejimler, VİETdan Ukraina Ükümetiniñ nezareti astındaki topraqlarına ketgen insanlarnıñ tek Ukrainanıñ serbest toprağındaki qayd etüvi olsa, olarğa keçmegn izin berirler. Vaqtınca işğal etilgen topraqlarda qayd etilgen insanlarnıñ Ukrainanıñ nezareti astındaki toprağında yaşağan aqrabası ölse ya da tedaviylenmege ketse, oña ketmege izin berilir.

KÇYKnden telükesiz keçüvnen temin etmek içün Ukrain akimiyeti elinden kelgeni er şey yaptı. Bu cümleden, oktâbr ayınıñ içinde Reintegratsiya nazirligi Stanıtsâ Luganskadaki KÇYKniñ çoq funktsional hızmet zonasını abadanlaştırmağa bitirmege planlaştırdı.

Reintegratsiya nazirligi, bu areketlerni rus işğal memuriyeti tarafından vaqtınca işğal etilgen topraqlarnıñ sakinlerine nevbetteki tazıyıq eylemi ve halqara-gumanitar aqnı ve insanlarnıñ aqlarını bozma dep sanır.

«Ukrainanıñ serbest toprağında kiriş kampaniyası vaqtında VIETdan balalarnıñ faallik köstergeni içün RF işğal rejimleri tarafından KÇYKniñ bloklanmasını başımızdan keçirdik. Keçken sene noyabr ayından başlap Şçastâdaki KÇYKniñ işi bloklanmaqtadır. Siniz sızığından keçken vatandaşlarımıznıñ bank, memuriy hızmetlerini almağa imkânı içün anda rejim ve hizmet zonaları teşkil etildi. Endi deyerli bir senedir Bu hızmetler irişilmezdir. Bu seneniñ soñuna bitirmege planlaştırılğan Stanıtsâ Luganskadaki KÇYKniñ çoq funktsional hızmet zonasınıñ açılması bu kere bloklama sebebi oldı. İşğal memuriyeti sıñır sızığınıñ bloklanmasını olarnıñ esirliginde olğan insanlarğa qoşma tazıyıq vastası olaraq qullanmaqtadır. KÇYKni bloklayaraq işğalcılar, çoq qorantanı belki tek turğun kâr menbasından, hususan ukrain pensiyaları ve ictimaiy ödevlerinden, ilâclarğa irişimden marum etmektedir. Vaziyet kritiktir ve insanlar bunı añlaylar. Olar, işğal rejimleriniñ esirliginde yaşamağa boldurdılar», - dep Vitse-baş nazir - Ukrainanıñ vaqtınca işğal etilgen topraqlarınıñ reintegratsiya meseleleri naziri Oleksiy Reznikov qayd etti.

Reintegratsiya nazirligi, Ukrainanıñ Donetsk ve Lugansk vilâyetleriniñ bazı bölgeleriniñ tınç yaşağan sakinleriniñ ayatı ve sağlığı tehdidini yaratqan RFnıñ işğal memuriyetleriniñ areketlerine halqara gumanitar teşkilâtlarnıñ diqqatını celp etecektir.