E.g., 19.08.2022
E.g., 19.08.2022
E.g., 19.08.2022
E.g., 19.08.2022
E.g., 19.08.2022

Ukrainalılar çet ülkelerde pasport vesiqalarını ala bilecekler

Опубліковано 04 July 2022 року, о 09:44

Ükümet ID-kartlarnı ve yabancı pasportlarnı DMHniñ çet ülkelerdeki bölüklerinde vesiqalaştırmağa izin bergen maqbul bir qarar tasdıqladı.

İlk azırlıq leyhası Varşava şeerinde endi başlatıldı. İİNniñ naziriniñ ilk muavini Yevhen Yeninniñ sözlerine köre, avgust ayından ley paytahtında "Dokument" ("Vesiqa") devlet müessisesiniñ merkezi açılacaq. Endi şu anda vatandaşlarımız bu ülkedeki mobil komplekslerine (mahsus olaraq donatılğan mikroavtobuslar) hitap etip anketa-arizalarnı bere bilirler.

"Avgust ayınıñ başlanğıcında ilk vesiqalar alına bilirler. Olarnı azırlama müddeti eki qat azlaştırılacaq ve 20 kün sürecek", - dep memur inandırdı.

Hatırlatamız ki, ükümetniñ elektron imzasız yañı çiplernen ID-kartlarnı ve pasportlarnı vaqtınca azırlav ceryanını esapqa alğan keçenlerdeki qararı, vesiqalarnı azırlav ceryanını pek sadeleştirdi ve tezleştirdi. Onıñ vastasız teşebbüsçilerinden biri Reintegratsiya nazirligi oldı.