E.g., 30.06.2022
E.g., 30.06.2022
E.g., 30.06.2022
E.g., 30.06.2022
E.g., 30.06.2022

Ükümet KÇYKnden keçüv usulını qolaylaştırdı

Опубліковано 30 December 2021 року, о 12:38

2021 s. dekabr ayınıñ 29-ında Vitse-baş nazir - Ukrainanıñ vaqtınca işğal etilegn topraqlarınıñ reintegratsiya meseleleri naziri İrina Vereşçuknıñ teşebbüsinen Ukraina Nazirler Kabineti, Donetsk ve Lugansk vilâyetleriniñ, Qırım MC ve Aqyar şeeriniñ vaqtınca işğal etilgen topraqlarındaki kiriş-çıqış yoqlav keçitlerinden (KÇYQ) keçüv usulını qolaylaştırdı.

Bugünden başlap sıñırdan keçkende Vdoma elektron hızmetiniñ mobil qullanımını qurmaq ve COVID-19nen bağlı olğan izolâtsiya etmek kerekmey.

«Vdoma qullanımını qurmğa mecburiyet, işğal etilgen topraqlardaki insanlarımıznıñ ayatını pek qıyınlaştıra edi. Bu cümleden, olar içün böyle usul olarnı ecnebiylerge beñzete edi. Bu ise, firkime köre, qabul etilmez bir şeydir, çünki sıñır sızığı devlet sıñırı olmay. Zemaneviy ukrain içtimasında vatandaşlarımıznıñ tamamen reintegratsiya ceryanında kereksiz mania edi. Ve biz bu manianı yoq ettik. Bu meseleni çezmek içün Reintegratsiya nazirliginiñ teşebbüsini imaye etken Ukraina baş nazirine ve Prezidentına teşekkür bildirem», — dep İrina Vereşçuk qayd etti.

Bundan ğayrı, VİETniñ sakinleriniñ KÇYKlerinde yapılğan bütün bedava koronavirus testlerinden tek 0,28%-i pozitiv olğanı tedqiq etildi. Bu faktor, mezkür sıñırlamalarnıñ maqtastqa uyğunsızlığını köstermekte ve KÇYKlerinden keçüv usulını qıyınlaştırmaqtadır.

«Tabiiy ki, qabul etilgen vesiqa, vatandaşlarımıznı KÇYKlerinden qolaylı ve oñaytlı çeküvnen, em de reintegratsiya ceryanlarınen temin etecek», - dep İrina Vereşçuk hulâsa çıqardı.