E.g., 30.06.2022
E.g., 30.06.2022
E.g., 30.06.2022
E.g., 30.06.2022
E.g., 30.06.2022

Ükümet, RF tecavuzı sebebinde viran etilgen mesken içün tazmin etüv mehanizmini mükemmelleştirdi

Опубліковано 10 December 2021 року, о 09:11

Ukraina Nazirler Kabineti, 2021 s. dekabr ayınıñ 9-ındaki öz oturışında «Fevqulâde vaziyet sebebinden zarar körgenler içün para yardımınıñ miqdarını esaplanuv ve berüv ve mesken evleri (daireleri) RF silâlı tecavuzı sebebinden fevqulâde arbiy vaziyet neticesinde viran etilgen zarar körgenlerge tazmin etüv yol-yoruğına deñiştirmelerniñ kirsetilmesi aqqında» qararnı qabul etti.

Bu deñişmeler, vatandaşlarğa tazmin etüv mehanizminiñ mükemmelleştirilmesine imkân berecek.

Qabul etilgen qarar, böyle saalarda zarar körgenlerniñ aqlarınıñ temin etilmesine imkân berecek:

 

  • viran etilgen, amma baqınuv vaqtında tamamınen ya da qısmen ğayrıdan qurulğan mesken içün ödevler;
  • bir qaç mesken evlerniñ saipleriniñ, tek bir obyekt degil, bütün obyektler içün para tazmini almalarına imkân berilüv;
  • obyektniñ bir parçası içün tazmin alğan zarar körgenlerniñ, aynı obyektniñ başqa parçası içün para tazmini alması imkân berilüv;
  • tek notarius tarafından mülkiyet aqqını tasdıqlanğan vesiqalarnıñ kopiyasınıñ degil, em de Köçmesizlik aqqı devlet sicilinden malümatnıñ tedqiq etilmesi içün ariza bermege imkân berilüv;
  • tedqiq eyyetiniñ qararınen razı olmaycaq olsañız, ekinci kere tedqiq etüv aqqı imkân berilüv;
  • zarar körgenlerniñ, eyyetniñ tek pozitiv qararından soñ mülkiyet aqqınıñ bitirile bilmesi aqqında qaydnameni bermesi imkân berilüv (şimdi arizanıñ baqıluvından evel mülkiyet aqqınıñ bitirilmektedir);
  • yerli özidare organlarınıñ vekillerine Köçmesizlik aqqı devlet siciliniñ bergeni malümatınıñ teşkerilüv aqqını berüv;
  • bulunuv ve avuşuv sıñırlanuvları qayd etilgen meskün yerlerde yerşken Birleşken mesken quvetiniñ komandannıñ vekâletli temsilcileri tarafından teşkerüv mehanizmi tatbiq etilüv;
  • cemiyet birleşmeleriniñ ve kelirsiz teşkilâtınıñ beş vekiline qadar tedqiq eyyetiniñ işine quşuluvı;
  • tedqiq etüv ve tazmin etüv aqqında arizanıñ ve meskenniñ tedqiq etilüvi aktınıñ yañı şekilleriniñ tatbiq etilüvi;
  • devlet akimiyeti organlarınıñ insanlağa para tazmini berüvniñ er bir usulınen bağlı malümat bermege mecburiyeti.

Para tazmini alma şaraiti ve yol-yoruğına dair tafsilâtlı talimat yaqın zamanda yayınlanacaq.

Donetsk ve Lugansk vilâyetlerindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyetniñ, 384 mesken fondnıñ obyektlerine saip olğan 458 zarar körgen kişige 106 million 426 biñ 380 grivnalıq tazminatnıñ berilmesi aqqında qararnı qabul etkenini hatırlatamız.

Bu cümleden, noyabr ayınıñ soñunda Donetsk vilâyetindeki eyyet, 65 vatandaşqa 11,43 million grivnalıq para tazminatınıñ berilmesi aqqında qararnı qabul etti. Dekabr ayında ise Lugansk vilâyetiniñ dört vatandaşı, viran etilegen mesken içün para tazmini alacaq.