burger

Ükümet, Ukraina milliy barışıq inkişafı merkezini teşkil etüv esnasını başlattı

Опубліковано 2 December 2021 року, о 13:43

Ukraina Nazirler Kabineti, Ukrainanıñ vaqtınca işğal etilgen topraqlarında insan aqlarınıñ bozmasını közetüv sistemasınıñ ve sicilniñ içün paranı qullanma ceryanını tasdıqladı. Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ taqdim etkeni bu qarar, dekabr ayınıñ 2-sinde Ükümet tarafından qabul etildi.

Ukraina milliy barışıq inkişafı merkezi, 2021 s. içün bücette planlaştırılğan 5 million grivna qullanmağa imkân alacaq. Bu, yañı organğa faal etmege ve vaqtınca işğal etilgen topraqlardaki ukrain vatandaşlarınıñ aqları bozma isbatlarını toplanmağa başlamağa imkân berecek. 2022 s. içün bücette Merkezge para berilüvini 46 millionğa qadar çoqlaştırmağa planlaştırıldı.

Vitse-baş nazir, Ukrainanıñ vaqtınca işğal eilgen topraqlarınıñ reintegratsiya meseleleri naziri İrina Vereşçuknıñ aytqanına köre, Ukraina milliy barışıq inkişafı merkezi, bu seneniñ soñuna qadar tamamınen işleycek, ve bu doğrulış nazirlikteki eñ prioritetlilerden biridir.

Merkezniñ faaliyetini taqdim etüv 2021 s. dekabr ayınıñ 15-inde olacaq.

Qoşma malümat. 2021 s. iyün ayınıñ 2-sindeki Ukraina milliy telükesizlik ve mudafaа şurasınıñ «Donetsk ve Lugansk vilâyetlerindeki vaziyetni barışıqlı idare etüv esnasınıñ faalleştirmesi bazı meseleleri aqqında» qararınıñ 1 maddesiniñ 6 ast maddesiniñ yerine ketirilmesi maqsadınen Reintegratsiya nazirligi tarafından teşkil etilgen «Ukraina milliy barışıq inkişafı merkezi» devlet müessisesidir.

Onıñ maqsadı, RF silâlı tecavuzı neticesinde olğan insan aqlarınıñ bozmasını ve zararnı vesiqalaştırmaq, Rusiye Federatsiyasınıñ bozğanı halqara uquq qaidelerini semereli tarzda nezaret etmek ve vesiqalaştırmaq ve Ukrainağa qarşı silâlı tecavuz içün onı halqara-uquqiy mesüliyetine çekmektir.