E.g., 05.02.2023
E.g., 05.02.2023
E.g., 05.02.2023
E.g., 05.02.2023
E.g., 05.02.2023

Vugledar territorial cemiyetinde ilk Minağa qarşı faaliyetler meseleleri koordinatsiya gruppası teşkil etildi

Опубліковано 03 February 2022 року, о 13:01

Donetsk ve Lugansk vilâyetleriniñ cemiyetlerinde Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ teşebbüsinen Minağa qarşı faaliyetler meseleleri koordinatsiya gruppaları teşkil etilir.

Böylece, 2021 s. iyül ayınıñ 26-sında Vugledar territorial cemiyetinde şeer başı Andriy Silıçnıñ reberliginen Reintegratsiya nazirliginiñ teşkilât-metodika yardımınen Minağa qarşı faaliyetler meseleleri koordinatsiya gruppasınıñ ilk oturışı keçti.

Koordinatsiya gruppasınıñ oturuışında daa Reintehratsiya nazirliginiñ, grajdan qorçalama yerli bölükleriniñ, Milliy politsiyanıñ, FVDHnıñ, sağlıq qorçalama, içtimaiy siyaset ve tasil hızmetleriniñ vekilleri iştirak ettiler. 

Oturış vaqtında Koordinatsiya gruppasınıñ esas iş yönelişleri tesbit etildi, bu cümleden:

1. tedbirlerni planlaştırmaq ve aynı vazifelerni yapmamaq maqsadınen minağa qarşı faaliyetlerniñ iştirakları arasında işbirlikni temin etmek;

2. ealini doğru habernameni azırlayaraq ve irişilgen kommunikatsiya ağları vastasınen olarnı sakinler arasında tarqataraq cemiyetniñ toprağında teşkil etilgen minağa qarşı faaliyetler tedbirleri aqqında malümat bermek;

3. cemiyetniñ paytlayıcı şeylerniñ telükesini oqutuv ihtiyaclarını ögrenmek ve olarnnı qanaatlendirmek içün bütün quvet ve resurslarnı qullanmaq;

4. patlayıcı şeylerden zarar körgenlerniñ ihtiyaclarını ögrenmek ve olarğa yardım etmek ve olarnı desteklemek.

Bundan ğayrı, taraflar arasında malümat almağa ve bermege ve yerli eali arasında, hususan oquv yurtları ve müessiselerde mianğa qarşı faaliyetler aqqında malümat-añlatıcı tedbirlerini keçirmege kerekligine ayrıca diqqat ayırıldı.

Böyle Minağa qarşı faaliyetler meseleleri koordinatsiya gruppaları Donetsk ve Lugansk vilâyetleriniñ bütün cemiyetlerinde olmağa esapqa alınır.

Bu gruppalarnıñ işiniñ esas maqsadı, minağa qarşı faaliyetler saasında devlet akimiyet organlarınıñ FVDHnıñ, Milliy politsiyanıñ Ukraina silâlı quvetleriniñ grajdan qorçalama organlarınıñ ve başqa menfaatı olğan taraflarnıñ küç-quvetlerini koordinatsiya etmektir. Bu cümleden, laf, vatandaşlarınıñ mina ve patlayıcı şeylerniñ telükesinden haberdar olmasını temin etüv, insanlarnı ayat ve sağlıq telüke derecesini azamiy trazda eksiltken özüni tutuv qaidelerine raiyet etmege çeküv aqqındadır.

Reintegratsiya nazirligi, farqlı yaşlardaki eali içün patlayıcı şeylernen özüni tutuv qaidelerine dair malümat-añlatıcı, teşviqat tedbirlerini muntazam tarzda alıp barır. Sıñır sızığında yerleşken Donetsk ve Lugansk vilâyetleriniñ cemiyetlerinde yaşağan ve çalışqan sakinlerge ayrıca diqqat ayırıldı.

Yanvar ayından iyün ayına bu iş çerçivesinde Donetsk ve Lugansk vilâyetlerinde 50den ziyade «mina telükesi» treningi keçirildi.