burger

Yaşamağa isteseler, ayatta qalmağa tırışmağa mecburlar – Donetsk vilâyeti işğalcilerden nasıl zarar köre

Опубліковано 20 May 2022 року, о 17:47

Tünevin rus tecavuzcısınıñ ordusı, Dontesk vilâyetiniñ 13 meskün yerini ateşke tuttı. Tınç yaşağan kişiler yaralandı ve öldürildi, 30dan ziyade grajdan obyekt viran etildi ya da bozuldı. Ruslar, vilâyetiniñ cenübi ve ortasında – Velıka Novısilkadan Oçeretınege qadar eñ çoq faaliyet yapalar. Yasaq etilgen silâ da qullanmağa utanmaylar: Avdiyivkada fosfor bombalarınen vastasınen mektep tamamınen viran etildi. Keçmişte anda eki yüzden ziyade bala oqy edi, devletniñ farqlı yerlerinden ve çet memleketlerden musafirler o yerge kete ediler. Şimdi ise mında tek viraneler bar.

Mayıs ayınıñ 20-sinden itibatınen

DONETSK VİLÂYETİ

Konstântınivka çoq zarar kördi: mesktep te viran etildi, Bala ve gençlik yaratıcıığı merkezi ve eñ az 28 mesken bina bozuldı. Umumen fevral ayınıñ 24-ünden berli ruslar, vilâyetinde 416 tasil müessisesini, bu cümleden 181 bala bağçasını, 191 mektep, zenaat-tehnikiy tasil müessisesi ve 21 yüksek tasil müessisesini bozdılar ve viran ettiler.

Soñ künlerde Oçeretıne, Novobahmutivka, Velıka Novosilka ve cemaatnıñ bir qaç köyü da ateşke tutuldı. Rus tecavuzları Bahmutqa da bir ava ücümi yaptılar. Raketalar 5 qatlı evge, şahsiy evge ve memuriy bir binağa oğradılar. Viranelik astından 6 kişi qurtarıldı.

Zaçativkadan mecburen köçip kelgen qadın, işğal etilgen ve tamamınen viran etilgen köyden çıqmaqnıñ pek zoq olğanını añlata. Onıñ evi ögünden insanlar kete ediler ve özüne almağa razı oldılar. Qolayca çıqaycağımızğa ümütlerimiz az edi. Rus blok noqtalarında işğal etilmegen Ukrainağa insanlarnıñ ketmelerine o qadar izin berilmez. Bunıñ içün olar insanlarnı tinterler, böyle degen filrtatsiya yaparlar.

Fevral ayınıñ 24-ünden berli köydeki sığınaqlarda o ve qomşuları aşsız, suvsız, ışıqsız, gazsız ve alâqasız otura ediler. Şu anda qasabada bir qaç yaşlı insan qaldı. Olar soqaqlarğa çıqmağa qorqalar, urba kiyip yuqlaylar. Çünki ruslar ve “DHCçileri”niñ içip azbarlarda yürmek ve ateş açmaq yaramay bir alışqanlığı bar.

Umumen öz zamanındaki tahliye yüzlerce ayat qurtarmağa yol açtı. Şu anda Bahmutnıñ 73 biñ sakininden tahminen 20 biñi alâ daa şeerde buluna. Bunıñ içün qurbanlarnıñ yüksek sayısı qaçınılır. Tolu masştablı tecavuzdan berli Dontesk vilâyetinde 397 tınç yaşağan sakini öldürildi, 1,1 biñ ise yaralandı. Mariupol ve Volnovaha esapqa almadan sayılar berildi.

Umumen vilâyetiniñ cebege yaqın şeerleri ve köylerindeki gumanitar vaziyet tek yaramaylaştırır. Maqbul hızmetlerniñ mütehassıslarınıñ qocaman ğayretlerine baqmadan ışıq, gaz, suz meseleleri yoq olmay.

Soñ eki kün içinde “Donetsk elektrik ağları” DYEŞniñ mütehassısları Bahmut, Pokrovsk, Volnovaha ve Kramatorsk rayonlarınıñ 19 meskğn yerindeki 6,6 biñ abune içün aqım teminatını tüzettiler. 277 ise alâ daa ışıqsız qalır. Lıman, Avdiyivka, Maryanka, Toretsk, Bahmut ve Velıka Novosilivka yönelişleri eñ zordır. Mında arbiy areketker sebebinden elektrik donatması er vaqıt bozulır. Mütehassıslar, onı temir etmek içün izinni bekleyler.

Nevbetiy rus ateşlerinden soñ “Donetskoblgaz” ATnıñ mütehassısları, gaznıñ aniy arcınıñ artırılmasını qayd ettiler. Bazı yönelişlerde normadan 50 qat yüksektir. Aynı zamanda bir qaç teminat obyektlerini kesilmege qarar berildi. Viraneliklerniñ masştabını zan etmek bile qıyın ola: gaz borularından biriniñ diametri 500 millimetrden ziyadedir. Böylece üç meskün yerdeki deyerli 8 biñ abune gazsız qaldı. Keçenlerde 233 ev hocalığına gaz temin etken ağlar viran etildi. Gazsız qalğanlarnıñ sayısını tesbit etmek imkânsız.

Arbiy areketler neticesinde “Donbas Suvu” Şirketi” KHnıñ suv teminatı obyektleriniñ çoqusı elektrikten kesilip qalır. Olar arasında Donetsk filtrleştirici stantsiyası; Siverskıy Donets-Donbas kanalınıñ pompa stantsiyalar kompleksi, Pivdenne-Donbas suv borusınıñ pompa stantsiyası, Volnovaha STKHİİniñ tüm obyektleri. Şirketniñ 18 filtrleştirgen stantsiyasından 15-i işler. Cebege yaqın şeerler ve köylerniñ ealisi çoqusı allarda ketirilgen suv qullanırlar.

Dercde, Donetsk vilâyet devlet memuriyetiniñ resmiy Facebook saifesinden ve Donetsk VAMniñ reberiniñ resmiy Telegram kanalından alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.