burger

MMB er kün arbiy areketler sebebinden ğayip olğanlarnıñ qıdırılmaları içün deyerli 300 talap işley ve qayd ete

Опубліковано 24 March 2022 року, о 18:31

MMB er kün rus-ukrain cenki sebebinden habersiz ğayip olğanlarnıñ, rfnıñ tutqanı grajdan kişilerniñ, arbiy esirler ve öldürilgenlerniñ qıdırılmaları içün deyerli 300 talap işley ve qayd ete

MMBnıñ başlağanı mart ayınıñ 17-sinden malümatnı tapmağa ya da paylaşmağa istegenler içün çeşitli kommunikatsiya kanlalları yaratıldı.

Bunıñ içün, MMBnıñ “Sıcaq hattı” aşağıdaki nomeralarda 23 saar çalışmaqta:

1648 ve +38 (044) 287-81-65.

Daa beyanatlar [email protected] elektron poçtasına qabul etilmekte.

Bundan ğayrı, MMBnıñ saytı – nib.gov.ua işlemekte, anda rus-ukrain cenki vaqtında belki de esirlikke tutlğan aqrabalarını qıdırğan kişilerden kelgen talaplar içün mahsus bir forma azırlandı.

Qıdırğan kişi ne qadar çoq malümat kirse, qıdırılğan kişini tapmasu o qadar qolay olur.

Aynı algoritmniñ Telegramda @nib_uncp_bot çat-botu bar. Telegramdan malümat berilmesinen bağlı tüm sualler ve beyanatlar MMBnıñ elektron poçtasına kelir. Malümat olsa, beyanatlar işlenir – talapçılarğa deral berilir.

MMBnıñ saytında ayrıca 1949 s. avgust ayınıñ 12-sinde Arbiy esirlernen tutma aqqında (III) Cenevre şartnamesine mücibi rus askerleriniñ esirlikke tutulmasınıñ bildirilmesi içün bir örnek Beyanat-kartı bulunmaqtadır. MMB, toldurılğan beyanat-kartlarını alğan soñ Qırmızı Haçnıñ Halqara eyyetiniñ Merkeziy qıdırma agentligine teslim etilir.

 

Milliy malümat bürosı aqqında daa tafsilâtlıca.

UNKniñ 17.03.2022 № 228-р qararına mücibi Milliy malümat bürosınıñ vazifeleriniñ yerine ketirilmesi, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ idare saasına kirgen “Ukrain milliy barışıq inkişafı merkezi” devlet müessisesine emanet etildi.

Bu organ ne içün teşkil etildi, onıñ maqsadı:

Milliy malümat bürosınıñ teşkil etilmesi, Ukrainanıñ cenkniñ başlanmasınen bağlanğan halqara-uquqiy mecburiyetidir.

MMB, halqara gumanitar uquqqa, hususan Arbiy esirlernen tutma aqqında Cenevre şartnamesine ve 1949 s. avgust ayınıñ 12-sinden Cenk vaqtında grajdan kişilerniñ qorçalanması aqqında Cenevre şartnamesine mücibi işley.

Organnıñ maqsadı, çatışmanıñ eki tarafından arbiy esirleri, hastalar ve ğayip olğanlar ve öldürilgenler aqqında malümatnı merkezleştirmektir.